Apache OpenOffice

Tiu ĉi artikolo temas pri la ofica programaro "OpenOffice.org", aŭ mallonge OOO. La mallongigo ankaŭ servas por la rusa vorto "Общество с ограниченной ответственностью", la formo de societo kun limigita respondeco en Rusio.

Apache OpenOffice
OpenOffice 4
Lasta stabila versio	4.1.6 (18-a de novembro 2018)
Operaciumo	plursistema
Programlingvo	C++, Java
Lingvo(j)	ankaŭ Esperanto
Programtipo	ofica programaro
Permesilo	Apache-licenco
Retejo	http://eo.openoffice.org/
v • d • r

Apache OpenOffice, antaŭe OpenOffice.org, estas ofica programaro, simila al "Microsoft Office" (t.e. Word, Excel, Power Point, Access, ktp) sed OpenOffice estas libera kaj malfermit-koda programaro. Por uzantoj, tio signifas, ke ĝi estas senpage disponebla al ĉiuj, por instali tiom da fojojn en tiom da komputiloj, kiom oni volas. Por programistoj, tio signifas ke iu ajn rajtas kaj povas modifi kaj reeldoni la programaron. Kaj la permesilo kun kiu ĝi estas eldonata signifas, ke ĝi ĉiam estos tia—senpaga, libera por ĉiuj.